Итимвилин шартIар

Чи халкь дегиш жезва, дегиш жезва чи фикирар, жув инсанрин арада тхудай къайдаяр, адетар, и кар акваз, заз лезгидихъ хьун лазим тир итимвилин шартIарикай рахаз кIанзава, чи арада итимвал амукьун патал. Итимвал вич-вичелай кьилиз къвезвай кар туш, итимвиликай аялдиз бубади, жемятди хабар гузвайди я чпин гафарални крарал. Ам тербиядал кьиле туна кIанзавай затI я. Аялдиз гъвечIи чIавалай итимвилин шартIар, гьи крар кьилин винизвал, гьибур кьилин агъузвал ятIа чирун лазим я.

Лезгидин кьилин агъузвал я:

1) кичIе хьун.
2) жувакай масадав ягьанат ягъиз тун.
3) чарадан далудихъ рахун.
4) алазни алачиз рахун.
5) хизандин иесивал ийиз тахьун.
6) жувакай масад пара инжикли авун.

Лезгидин кьилин винизвал я:

1) кьиле акьул хьун.
2) викIегь рикI хьун.
3) къуват авай жендек хьун.
4) гаф хуьн.
5) чIал хуьн.
6) чил хуьн.
7) дин хуьн.
8) михьивал хуьн кIвалени жув къекъвезвай куьчеда.
9) мецин михьивал.
10) рикIин михьивал.
11) ашкъийриз муьтIуьгъ тахьун.

И шартIариз яб тагай кас вири жемятдин виляй аватда. Я итимри, я папари, гьич аялрини кваз яб хгудач адаз. Гьар лезгиди вичин итимвилин тIвар хвена кIанда!